पोलादपूर अस्मिता

निष्काम   कर्मयोगी  :  ह . भ . प .  विठोबा   आण्णा   मालुसरे छत्रपती शिवरायांना जीवाची बाजी लावून साथ देणाऱ्या नरव्याघ्र नरवीर तानाजी मालुसरे व सूर्याजी मालुसरे यांची वंशावळ खडान खडा सांगणाऱ्या विठोबा अण्णा मालुसरे यांना आपण सूर्याजी रावांचे वंशज म्हणून जन्माला आलो याचा सार्थ अभिमान होता आणि म्हणून अलिबागचे प्रसिद्ध इतिहासकार अण्णा दाते यांच्या तोंडून तानाजीरावांचा समग्र इतिहास ऐकला तेव्हा त्यांचे चुलते ४२ च्या स्वतंत्र लढ्यातील सेनानी कै. अम्बाजीराव मालुसरे व विठोबाराव एका असीम ध्येयाने पेटून उठले. उमरठला जाऊन त्या गावच्या लोकांना सोबत घेऊन त्या गावचे स्मशान उकरून ३०० वर्षापूर्वी गाडला गेलेला इतिहास तानाजीराव व शेलार मामांच्या समाध्या उकरून काढून जिवंत केल्या आणि दिवाबत्ती चालू करून दरवर्षी माघ शु. नवमीला नरवीरांची पुण्यतिथी साजरी करू लागले. बालपण आणि शिक्षण - विठोबारावांचा जन्म पोलादपूर तालुक्यातील खडकवाडी-साखर येथे १ डिसेंबर १९२५ साली एका गरीब परंतु वारकरी कुटुंबात झाला. अण्णा चौथी पर्यंत शिकले. त्यांच्या कुशाग्र बुद्धीची पारख त्या...